艺人陶大宇（28日）初七人日到旺角派福饭做慈善，吸引数十长者排队，有长者更索合照，大受欢迎。大宇称经常落区派饭，之前去过深水埗和长沙湾，多谢团体支持，自己都有捐少许做慈善，最紧要长者开心，取福饭取好意头，自己都开心，他说：“识咗班朋友做开，逢生日或节日都会做吓！自己好皮毛，唔够其他人做得多，抱宗旨大家开心。（一路派一路唱歌？）唔会咁离谱。”他透露新年多亲自下厨，与家人朋友相聚，并讲笑认老，没有甚么好做。
提到粤港通关后，过关方便，觉得不用急于到内地工作：“去年做得七七八八，找晒数，要畀自己抖吓，唔系搵够，钱冇人嫌多，希望长做长有。”问到长辈有否趁机催婚？他表示没有：“一定会嘅，有生之年会啩！都系正常人生，大家期待吓！（大搞？）睇情况及想法，都想以后有好日子过。”
